Category Archives: Jeppaferðir

Þegar ég fer á fjöll á jeppa þá skrifa ég um það í þessum fréttadálk

Skreppur að Langjökli

J00gTFGn_o.jpg
Flottur vetrardagur, nægur snjór og heiðskíra
YfdXlQfl_o.jpg
Við vörðu á Kaldadal,
GtrF6EVY_o.jpg
Gaman að sjá súkkur á fjöllum
T6kSFdjK_o.jpg
súkka stökk og brotnaði í lendingu
fjCptNf5_o.jpg
Ég hjakkaði og hjakkaði og svo kom brestur, þá var bara 4×3… gott að hafa driflæsingu þarna!
wzuS2VH9_o.jpg
Fórum niður í borgarfjörð án þess að fara á jökulinn! Klukkan var orðin of margt
6Ja24GVb_o.jpg

Lókur í laug 2019

Veturinn kom loks! Það snjóaði aðeins í vikunni, en ég hef ekki farið á hálendið, annnað en í Landmannalaugar fyrstu viku janúar. Líkt og sl. 10 ár.

Það var ekkert öðruvísi þetta ár, annað en að enginn snjór var að ráði, aðallega krapapollar og klakapollar og engin leið að feta inn úr nema eftir vegum líkt og um sumar.

Tveir vinir mínir frá Bretlandi komu með, við kynntumst um 2004 þegar við spiluðum saman tölvubílaleik gegnum internetið. Ótrúlega lítill heimur og skemmtilegur!

Annar þeirra er sá sami og hitti mig sl. sumar.

Nokkrar myndir frá Sóley

bTf7Jfto_o.jpg
Við félagar við skálann í Landmannalaugum, kominn í baukana.
lizqJFi6_o.jpg
G7 Offroad Team


XvsNOq7w_o.jpg
Þennan fína útbúnað fékk ég í jólagjöf frá Sóley


JAm7igYX_o.jpg
2 eins


2JTQlasm_o.jpg
Strand


3Gjsm9fe_o.jpg


qEzJXLK1_o.jpg


Om7xpRFh_o.jpg

Come sail away!

bsxw9PgF_o.jpg
snjólaust við Landmannalaugar í janúar


sYpZXbBl_o.jpg
Ekið eftir veginum á Landmannaleið


TRkopAcK_o.jpg
Víða var vatn upp á hurðir á 38″ bíl og djúpt niður á veg gegnum hraunið


A3vm9G3K_o.jpg

Hópurinn við Landmannahelli, það var auðvelt að aka upp Dómadalsháls vegna snjóleysis

1JmD9ggI_o.jpg

Bretarnir hrifnir af Íslensku lambi

KuijsYxz_o.jpg

Komin að Sigöldu

xuwtOErm_o.jpg
Þröngt mega sáttir sitja, í Hilux.


Syðra fjallabak 8.18

Við Sóley ókum Syðra fjallabak fram og tilbaka sl. helgi, í fyrsta skipti að sumarlagi.

Síðan koma myndir frá Sóley!

Aldrei fór ég vestur!

Við Sóley vorum ákveðin í að fara vestur á Ísafjörð á tónleikahátíðina Aldrei fór ég suður!

Búin að útvega okkur gistingu á Súganda og allt… en félagarnir brugðust, við nenntum ekki að fara ein. Þannig við ákváðum að slá til jeppaferðar, en félagarnir brugðust þar aftur, þá var fátt að gera en að slást í för með öðrum félagahóp og fór það svo að við, og pabbi og Einar Sólonsson og Steinþór á Trooper lögðum í reisu til Seturs.

 

Hér er eitthvað af myndum frá ferðinni

Mæting á föstudagsmorgni

Félagahópurinn, ég, Einar Sól, Steinþór á Chevy pickup og pabbi á 90cruser

Einar segir að við séum að fara ÞANGAÐ

Setrið, þar voru fyrir austfirðingar sem höfðu skroppið í Nautöldu og gegnum Blautukvíslargljúfur sem við áttum eftir að skoða!

Þórir á Hroll

Það var skammgóður vermir að hafa spilið framan á, fjöðrunin fékk að kenna á því á leiðinni inneftir svoleiðis að ég var fljótur að tjóðra spilið á pallinn á laugardeginum!

Setrið á laugardagsmorgni, leikdagur

Sólin kyssir fjalltoppana

Sóley er hörku fjallaökumaður.

Austfirðingar leiða okkur áleiðis að Kisugljúfrum, þeir héldu síðan áfram suðurfyrir Kerlingarfjöll og inn á Hveravelli

Kisugljúfur, þarna hlýtur að vera tilkomumikið að koma að sumri til!

Tilkomumikið bjarg, líklega á annað hundrað metrar.

Svo fórum við norður fyrir setur og í Blautukvíslargljúfur, þar er ekki alltaf bílfært en gekk vel núna.

Í Blautukvíslargljúfri

Í pottinum við Nautöldu

Uppsprettan við pottinn

Við Bólstað, og vað á Þjórsá við Sóleyjarhöfða

Selfy við íhleypingar, menn voru ýmist með úrhleypibúnað eða ekki en enginn þurfti að bíða eftir neinum, gamla lagið virkar líka alveg, allavega hef ég ekki nennt að setja úrhleypibúnað þó ég eigi hann til.

Gamli kláfurinn yfir Tungnaá við Búðarháls.

Kominn í bæinn á skítugum bíl…

Dælan í aukatankinum hætti að virka

Leikdagur

Krómið speglar

Hrollur leiðir

Veðrið var frábært, sólarvörn nauðsynleg.

.

Flottur trooper sem er í raun amerískur pickupp

Blautukvíslargljúfur

Ekið yfir snjóflóð í Blautukvíslargljúfri

Heit uppspretta við Nautöldu

Merkilegur hluti af ferðasögu íslands, þessi kláfur yfir Tungnaá

.

Þrátt fyrir háan aldur og staðsetningu á hálendinu er ástand kláfsins, og grindarinnar ótrúlega gott.

Snów foam cannón

Ekki lengi skítugur

Þessa bjó ég til fyrir félaga mína á Hilux Pickup Offroad Club en hún nýtist hér engu síður, jökullinn sem sést er Hofsjökull sunnanverður og norður snýr upp.

 

Eyjafjallajökulsskeppur

Við skruppum félagar á Eyjafjallajökul í góða veðrinu, og færinu, þó var þörf að hafa varann á vegna hálku, en ef menn höfðu nagla og góða fjöðrun mátti halda góðri ferð.

 

Hnúkurinn gnæfir

Fararskjótarnir þrír

Nálgumst óðum

Komnir upp á Hamragarðaheiði, tímabært að sleppa lofti

Flennifæri, 40-60kmh færi ef menn voru vel búnir fyrir hálku og með þokkalega fjöðrun

Undirritaður á toppnum

Hittum fyrir menn, bíla, hjól og alls konar.

Sit hér í tjaldstól og borða sómasamloku í 1550m yfir sjávarmáli, hvað gerðir þú í dag?

Séð niður ofanaf Goðasteini

Hissa á þessu Selfy dæmi

Brynjar horfir yfir fljótshlíðina

Sér vel út til Vestmannaeyja

Binna bíll og minn undir Goðasteini

Eyjafjallajökull í víðmynd

Skemmtileg mynd

Skemmtileg mynd úr meiri fjarlægð

Þessi ruslaðist upp á heilsársdekkjunum, lítið mál

Bratt niður, og mikil hálka

Svell á kafla

Fallegt útsýni yfir Vestmannaeyjar

Komnir niður og verið að pumpa í dekk ofl.

Hér er trakk, og trakk frá því við keyrðum inn fljótshlíð fyrir um mánuði, þá var meiri snjór!

Smá skreppur í bakgarðinum

Skruppum félagar á langjökul og snerum við vegna slæms skyggnis fórum svo hratt yfir skjaldbreiður og til byggða, skemmtilegur skreppur á harðfenni, fólksbílsfæri, reyndi mikið á fjöðrunarbúnað bílanna og stóð hilux sig prýðilega…

 

Eg og Einar Hermanns, duglegir að skreppa á hiluxum okkar

Lítill hilux í stórri náttúru, ferðahraðinn var mikill

60kmh +

Horft niður Skjaldbreiður, mikið svell, en slétt og gott hægt að svínkeyra

Við Slunkaríki

Bókstaflega á toppi Skjaldbreiðurs

Ferð áleiðis í Strút, tilraun 1

Um liðna helgi héldum við félagar á ellefu bílum upp Fljótshlíð og upp Emstruleið og ætluðum inn á fjallabak og þangað inn að Strút. Ferðin fór ekki alveg eins og til var ætlast vegna erfiðrar færðar og krapa sem við lentum í við Gilsá í Fljótshlíð og tafði okkur mikið.

Á Hvolsvelli

Sóley orðin rétt merkt

Óvissa með veðrið

Pikkfastur hilux og þrælöflug Súkka

Enn öflugri súkka

Hnúkurinn gnæfir, Eyjafjallajökull

Tjöruþvotturinn

Búinn að malbika

Arngrímur kennir myndatökustellingar

Sullað í ám

Vetrarfegurð

Frábært landslag

Allt á kafi í snjó, bara gaman

Við Þórólfsfell um hádegi

Frábær akstursleið skemmtileg ísskúlptúr í klettunum

Við Gilsá

Nokkrir smálækir, þessi var opinn

Gilsá rann í mörgum flæðum, framhjá ræsum sem notuð eru á sumrin, það gekk ekki að aka eftir veginum þarna enda mjög djúpt fram af þar sem ræsin hafa verið sett

Hér sjást ræsin og stöðuvatnið sem myndast hefur upp a þeim og allt í kring

Gekk ekki alveg, þarna höfðu léttari bílar sloppið yfir fyrr

Komst eilítið lengra í annari tilraun en þá fóru bæði hjól niður

Skurðurinn er rúmlega mannhæðardjúpur, eins gott að bæði framhjól fóru ekki niður gegn segi ég bara! 🙂

Meinlaus hola eftir annað framhjólið

Þá er bara að moka!

Upp hefst hann í nokkrum kippum

Brynjar sultu slakur og Súkka á hliðinni ofaní krapa!

Hilux einars á hlið í krapa

Spilið góða sem virkaði svo ekki!

Skurður einars

Súkkan að losna, töluvert tjónuð

Komin uppúr, vélin tók inn vatn en varð ekki meint af, dugði að ræsa út af henni með því að losa glóðarkerti og setja svo í gang

Fann mér skurð

og einar fór fram af honum við að draga mig þegar spottinn hrökk af beislinu hjá honum

Þyngja farþegahliðina, sterk stigbretti!

Myndarlegur skurður

Allir lausir úr krapanum, klukkan orðin fjögur, drífa sig áfram!

Rebbaspor?

Komin að Tröllagjá

Tröllagjá

Ísihlaðnir klettar

Bólstaður

Sumir grilla Hammara!

Brauðin velgd á kertum

Notaleg stemmmning

Á bakaleið, í Tröllagjá

Á leið upp brattann úr Tröllagjá, svarta strikið í snjónum er sót úr pústinu á Hilux 🙂

Næstur var 90 crúiser, hér sést hallinn nokkuð vel, c.a. 30-40° á að giska

Að toga Wrangler upp

Þá fór að blása og orðið blint

Halarófa gegnum krapasvæðið sem við lentum í deginum áður, í þetta sinn þrömmuðum við þarna yfir án þess að bleyta hjól, menn gengu undan bílunum með járnkalla og könnuðu undirlagið vel. Þetta borgaði sig!

Allir í beina röð

Alveg að komast á þurrt

Tveir stórir klumpar

Smá löskuð súkka eftir krapann

Takið eftir keðjunni, hún slagar í 25-30° undan vindi!

Komin á veg!

Feitletrað er ekin leið

 

Vonskuveður í Reykjavík og nágrenni

Í fréttum sagði að allir skyldu halda sig innandyra nema í nauðsyn. Óveður er nauðsyn að upplifa, annars verða menn aumingjar.

Mér finnst fátt skemmtilegra en að æfa mig í erfiðum aðstæðum og í gær var tilvalið tækifæri til þess, í bakgarðinum heima ef svo má segja.

Ég rúntaði svolítið innabæjar, og svo upp í Bláfjöll og til baka á nær auðum vegi, hitti þá seinnipartinn nokkra félaga, á súkku og tveimur landróver jeppum, við fórum saman Djúpavatnsleið yfir á suðurstrandarveg og Kleifarvatn og Krýsuvíkurveg til baka, þetta var hin almesta jeppaferð sem ég hefi farið innan 50km radíuss frá heimili mínu til þessa.

Sóttist ferð vel og reyndi vel á bíla og menn, enda alls kyns færi, aðallega þungt, amk. þar til komið var að Djúpavatni, þaðan suðurúr voru skaflar á veginum en nokkuð létt að aka. Nokkra lægni þurfti til að aka án þess að lenda utan í grjótum og eins að velja leiðir sem voru síður líklegar til þess að skemma dekk, enda sukku bílar vel í snjóinn og oft erfitt að vita hvað leynist undir.

Nokkrar myndir

 

Í heiðmörk var snjór upp á húdd í sköflum

Komnir á Djúpavatnsleið

Allir að prófa að ryðja, góð æfing 🙂

Skriðið milli steina

Eina festan í ferðinni, staðan á Hilux hjá mér frá því ég eignast hann er því 14-11 þ.e. ég hef þrisvar oftar gefið drátt en þegið. Gott að halda bókhald um þetta!

LED ljós bræða betur af sér en 100W halogen ljós, PÚNKTUR!

Að dæla í

Fórum fljótlega að sjá för eftir fólksbifreið á Krísuvíkurvegi, mættum svo bíl með tveimur sem sögðust hafa reynt að losa bíl sem væri fastur ofar en hefðu skilið hann eftir, hann væri ónýtur, og á miðjum veginum svo við kæmumst ekki fram hjá. Við héldum því áfram og römbuðum á þennan framdrifna gólf fólksbíl og í honum voru tveir ungir menn, illa klæddir, bíllinn gekk ekki, alternator reimin hafði yfirgefið vistina, voru strákar því í vanda staddir, og eiginlega skil ég ekki hví þeir fengu ekki far með þeim sem reyndu að losa þá áður. En allavega tók ég og þessi hópur annað ekki í mál en að bíllinn yrði skilinn eftir og mennirnir ferjaðir til byggða, enda óvíst hvort nokkur aki þennan veg fyrr en á morgun, þeir illa klæddir og á ógangfærum bíl. Íslendingar!

 

Dagsskreppur á Skjaldbreiður

Í gær skruppum við félagar á þremur bílum á Skjaldbreiður, í raun til að reyna á nýsmíðaðan bíl Brynjars félaga okkar, suzuki vitara jeppa á 37″ dekkjum.

Hann hafði komið með okkur á bílnum í Landmannalaugar í byrjun janúar en lent í vandræðum með drifbúnað, og sannað þykir að lausn hafi fundist á því vandamáli því bíllinn stóð sig vel í ferðinni núna.

Skyndiákvörðun réði för, um kl 13.00 kom hugmynd að förinni, kl 14.30 hittumst við og lögðum af stað, við vissum af félögum okkar sem höfðu farið þetta fyrr um morguninn og mættum við þeim við Þingvelli.

Allt gekk einsog í sögu, töluvert var af bílum á ferðinni og enn fleiri vélsleðar, förin á Gjábakkavegi voru svo mörg, og svo óslétt að nánast var ógjörningur að halda nokkrum ferðahraða, en við vorum komin að Skjaldbreiðum um kl 1630 í ljósaskiptum, við þaustum upp og höfðum lítið fyrir, þrátt fyrir nokkurn snjó, bílar og menn stóðu sig vel og súkkan þaut eins og snjóþota ofaná snjónum meðan dísel orkuverin áttu í mestu makindum með að halda í við hana, þarna sá ég í fyrsta skipti kælivatnshitamælinn á mínum bíl rísa, enda kannski ekki skrítið, hamagangurinn var slíkur.

í 800 m.y.s. fór skyggni að versna mjög og snerum við þá við, meðan þeir félagar tóku myndir laumaðist ég upp í 900m.y.s. eftir GPS og sá ekki nokkurn skapaðan hlut, og átti oft erfitt með að átta mig á hvort bíllinn var á hreyfingu eða ekki, svo þá var snúið við.

Sammældumst við um að prófa að aka Eyfirðingaveg frá Skjaldbreiðum og þannig yfir á Uxahryggjaleið. Gekk sú ferð ágætlega þar til um 11km voru eftir, þá var bleyta í förum farin að gera verulega vart við sig og greinilegar tjarnir sem myndast höfðu undir snjólagi, töldum við óráðlegt að halda ferð þessari áfram eftir að ég hafði brotnað niður um vök og sá hvergi leið áfram öðrumvísi en að halda mjög til hryggja, sem er letjandi og ekki gáfulegt m.a. vegna þess að við vorum ekki vel útbúnir fyrir krapasull, og í nokkurri tímaþröng, eða ég og Sóley hið minnsta því hún þurfti að mæta í vinnu um kvöldið.

Snerum við því til baka inn á Gjábakkaveg og hossuðumst þar niður á Þingvelli.

 

Nokkrar myndir frá Sóley

Útbúning þennan fékk ég frá Ali Express fyrir lítið fé, og þar sem ég legg mikla áherslu á að vera ekki töff, þá fer þetta mér bara nokkuð vel

Meðfram hrauninu í átt að Skjaldbreið

Skyggni fer minnkandi

Ekki margt að sjá í 900m en LED kastararnir eru að gera gott mót

Uppstilling fyrir myndatökur

Menn voru viljugir heim, og bauð færið oft upp á slíkan ferðahraða, en frosnir hryggir mynduðu reglulega þessa stökkpalla og þá var eins gott að halda sér vel

Þarna fórum við yfir á nokkurri ferð en sáum tjörn fyrir framan og minnkuðum hraðann, við það súnnkaði Hilux minn niður í krapa en kraflaði sig áfram upp á steinþúfu, ákváðum við þá að snúa för okkar til baka

Stærðar stöðuvatn

 

 

4×4 ferð í Setrið

Við Sóley skruppum með Ferðaklúbbnum 4×4 í Setrið um helgina, lagt var af stað snemma á laugardagsmorgni áleiðis á Geysi og upp Kjalveg inn að Kerlingarfjöllum og var hugur í mönnum að kíkja jafnvel inn að nýlega uppgötvuðum íshelli í Blágnípujökli(Í vestanverðum Hofsjökli) ef vel gengi. Ferðin sóttist vel, eitthvað var af bílum og ökumönnum sem voru að stíga sín fyrstu skref, og var þeim hjálpað og komust flestir upp á lagið um síðir.

Færi var nokkuð erfitt utan slóða, og þó einnig í slóð ef menn á minni bílum lentu í förum eftir þá stóru, en í ferðinni var ekki skipuleg hópaskipting heldur óku menn nokkurnveginn eins og þeir vildu. Kom því fyrir að 38″ bílar fylgdu 49″ bíl og lentu þá á maganum og fríhjóluðu, undirritaður lenti amk. tvisvar í þessu, en það er líka allt í lagi, bara gaman, þó ég sé vanari að í svo stórum ferðum séu smærri bílar samferða, og stærri bílar samferða.

Um tvö eftir hádegi vorum við komnir að Setursafleggjara við Kerlingarfjöll, var skyggni þá orðið mjög takmarkað í ljósaskiptunum svo keyrt var eftir tækjum, nokkrir höfðu leið inn að Íshelli og héldu þangað án þess að ræða það frekar, þeirri ákvörðun er ég mjög glaður, enda frábært og einstakt að koma í helli þennan, líkt og aðra. Hellirinn er tignarlegur, en þó ekki mjög djúpur, en líklega er um 15 metrar upp í loft og 20 metrar á breidd, upp úr hellinum stígur mikil hveralykt.

Þegar flestir voru búnir að skoða sig um í hellinum(þangað komust ekki allir bæði vegna affelgana og erfiðs færis) var klukkan orðin um 1630 og tímabært að fara að koma sér áleiðis að Setri. Tók þá að dimma og létti um leið á snjóblindunni, færðin skánaði lítið fyrr en um 6km. voru eftir inn að Setri, sóttist ferðin hægt og voru fyrstu menn að lenda við Setur um kl 20 og komum við þangað um 20.30. Einhverjir voru seinna á ferðinni og einn bíl þurfti að skilja eftir undir Loðmundi vegna bilunar, verður hans vitjað næstu helgi með varahluti og gert við á staðnum. (Afturöxull brotnaði)

Ferðanefnd 4×4 hafði skipulagt sameiginlegan kvöldverð og hjálpuðust margir að við að koma 11 lambalærum og 20kg af brúnuðum kartöflum ofan í mannsskapinn, urðu að ég tel allir mjög saddir og sælir, allavega var það að sjá á afgöngunum morguninn eftir.

Ræsing var kl 8 og gekk vel að koma öllum af stað, eitthvað var um að bilanir uppgötvuðust á sunnudagsmorgni, t.d. var einn bíll að missa hjól undan vegna skorts á felguboltum, einhverjir áttu í erfiðleikum með gangsetningu eins og gengur en allt hafðist þetta á endanum og vorum við komin af stað rétt um 9.45

Ákveðið var að fara styttri leið niður á uppbyggðan veg, niður á Sprengisandsleið F26, eða í raun Kvíslaveituveg, yfir vað á Þjórsá við Sóleyjarhöfða. Telja mætti að vaðið væri botnfrosið langt á haf út enda komust allir þar klakklaust yfir, á nokkrum stöðum á leiðinni mátti sjá bláma í snjónum enda ekki ósennilegt að þar hafi eitthvað rignt fyrir tveim vikum um það leiti sem við vorum á heimleið úr Landmannalaugum, en þetta kom ekki að sök, allir komust nokkuð auðveldlega niður á Kvíslaveituveg og þaðan á fullri ferð í Hálendismiðstöðina Hrauneyjar, þar sem ferðinni var slúttað.

 

Myndir fylgja >

Á Kjalvegi, við Gunnar Áki höfum ferðast svolítið saman, hann var mér til halds og trausts í þessari ferð enda hafði bíll hans yfirburða drifgetu í því færi sem þarna var

Vestur undir Bláfelli, þar skefur oft leiðinlega og hafði þarna skafið botnlaust víða þannig menn þurftu þarna strax að hleypa almennilega úr

Hellismunninn

Ógurlega tignarlegur

Hella selfie

Hópurinn sem fór í hellinn

Komnir í Setur

Langgrill, hentugt þegar grilla á fyrir um 50 manns.

Afgangarnir á sunnudagsmorgni

Árla morguns fyrir brottför, fallegt í ljósaskiptum

Hálftíma síðar var birtan orðin svona

Komin á Kvíslaveituveg

Fullpumpað við Hrauneyjar

 

 

Hér fyrir neðan eru myndir sem Sóley tók á sinn síma

Verið að mýkja í ofan Gullfoss

Einhver speki er bakvið þessa mynd það getur ekki annað verið…

Á leið inn að Helli flatmagaði ég í förum eftir þennan trukk

Tignarleg aðkoma að hellinum, fara þarf að öllu með gát þegar gengið er niður þröngan og brattan skafl

Ég og Gunni í hellinum

Við Sóley við hellismunnan, þar steig upp mikil hveralykt

Færðin skánaði ekki fyrr en um 6km voru eftir að Setrinu

Bílar með framhásingu og stór dekk höfðu yfirburði, en þetta sóttist allt ágætlega engu síður þó hjakkið hafi reynt aðeins á þolinmæðina

Skipt um felgubolta á sunnudagsmorgni

Ég fékk líka að draga!

Aftur á maganum í djúpum förum

við Sóleyjarhöfða