Monthly Archives: February 2018

Ferð áleiðis í Strút, tilraun 1

Leave a reply

Um liðna helgi héldum við félagar á ellefu bílum upp Fljótshlíð og upp Emstruleið og ætluðum inn á fjallabak og þangað inn að Strút. Ferðin fór ekki alveg eins og til var ætlast vegna erfiðrar færðar og krapa sem við lentum í við Gilsá í Fljótshlíð og tafði okkur mikið.

Á Hvolsvelli

Sóley orðin rétt merkt

Óvissa með veðrið

Pikkfastur hilux og þrælöflug Súkka

Enn öflugri súkka

Hnúkurinn gnæfir, Eyjafjallajökull

Tjöruþvotturinn

Búinn að malbika

Arngrímur kennir myndatökustellingar

Sullað í ám

Vetrarfegurð

Frábært landslag

Allt á kafi í snjó, bara gaman

Við Þórólfsfell um hádegi

Frábær akstursleið skemmtileg ísskúlptúr í klettunum

Við Gilsá

Nokkrir smálækir, þessi var opinn

Gilsá rann í mörgum flæðum, framhjá ræsum sem notuð eru á sumrin, það gekk ekki að aka eftir veginum þarna enda mjög djúpt fram af þar sem ræsin hafa verið sett

Hér sjást ræsin og stöðuvatnið sem myndast hefur upp a þeim og allt í kring

Gekk ekki alveg, þarna höfðu léttari bílar sloppið yfir fyrr

Komst eilítið lengra í annari tilraun en þá fóru bæði hjól niður

Skurðurinn er rúmlega mannhæðardjúpur, eins gott að bæði framhjól fóru ekki niður gegn segi ég bara! 🙂

Meinlaus hola eftir annað framhjólið

Þá er bara að moka!

Upp hefst hann í nokkrum kippum

Brynjar sultu slakur og Súkka á hliðinni ofaní krapa!

Hilux einars á hlið í krapa

Spilið góða sem virkaði svo ekki!

Skurður einars

Súkkan að losna, töluvert tjónuð

Komin uppúr, vélin tók inn vatn en varð ekki meint af, dugði að ræsa út af henni með því að losa glóðarkerti og setja svo í gang

Fann mér skurð

og einar fór fram af honum við að draga mig þegar spottinn hrökk af beislinu hjá honum

Þyngja farþegahliðina, sterk stigbretti!

Myndarlegur skurður

Allir lausir úr krapanum, klukkan orðin fjögur, drífa sig áfram!

Rebbaspor?

Komin að Tröllagjá

Tröllagjá

Ísihlaðnir klettar

Bólstaður

Sumir grilla Hammara!

Brauðin velgd á kertum

Notaleg stemmmning

Á bakaleið, í Tröllagjá

Á leið upp brattann úr Tröllagjá, svarta strikið í snjónum er sót úr pústinu á Hilux 🙂

Næstur var 90 crúiser, hér sést hallinn nokkuð vel, c.a. 30-40° á að giska

Að toga Wrangler upp

Þá fór að blása og orðið blint

Halarófa gegnum krapasvæðið sem við lentum í deginum áður, í þetta sinn þrömmuðum við þarna yfir án þess að bleyta hjól, menn gengu undan bílunum með járnkalla og könnuðu undirlagið vel. Þetta borgaði sig!

Allir í beina röð

Alveg að komast á þurrt

Tveir stórir klumpar

Smá löskuð súkka eftir krapann

Takið eftir keðjunni, hún slagar í 25-30° undan vindi!

Komin á veg!

Feitletrað er ekin leið

 

Vonskuveður í Reykjavík og nágrenni

Leave a reply

Í fréttum sagði að allir skyldu halda sig innandyra nema í nauðsyn. Óveður er nauðsyn að upplifa, annars verða menn aumingjar.

Mér finnst fátt skemmtilegra en að æfa mig í erfiðum aðstæðum og í gær var tilvalið tækifæri til þess, í bakgarðinum heima ef svo má segja.

Ég rúntaði svolítið innabæjar, og svo upp í Bláfjöll og til baka á nær auðum vegi, hitti þá seinnipartinn nokkra félaga, á súkku og tveimur landróver jeppum, við fórum saman Djúpavatnsleið yfir á suðurstrandarveg og Kleifarvatn og Krýsuvíkurveg til baka, þetta var hin almesta jeppaferð sem ég hefi farið innan 50km radíuss frá heimili mínu til þessa.

Sóttist ferð vel og reyndi vel á bíla og menn, enda alls kyns færi, aðallega þungt, amk. þar til komið var að Djúpavatni, þaðan suðurúr voru skaflar á veginum en nokkuð létt að aka. Nokkra lægni þurfti til að aka án þess að lenda utan í grjótum og eins að velja leiðir sem voru síður líklegar til þess að skemma dekk, enda sukku bílar vel í snjóinn og oft erfitt að vita hvað leynist undir.

Nokkrar myndir

 

Í heiðmörk var snjór upp á húdd í sköflum

Komnir á Djúpavatnsleið

Allir að prófa að ryðja, góð æfing 🙂

Skriðið milli steina

Eina festan í ferðinni, staðan á Hilux hjá mér frá því ég eignast hann er því 14-11 þ.e. ég hef þrisvar oftar gefið drátt en þegið. Gott að halda bókhald um þetta!

LED ljós bræða betur af sér en 100W halogen ljós, PÚNKTUR!

Að dæla í

Fórum fljótlega að sjá för eftir fólksbifreið á Krísuvíkurvegi, mættum svo bíl með tveimur sem sögðust hafa reynt að losa bíl sem væri fastur ofar en hefðu skilið hann eftir, hann væri ónýtur, og á miðjum veginum svo við kæmumst ekki fram hjá. Við héldum því áfram og römbuðum á þennan framdrifna gólf fólksbíl og í honum voru tveir ungir menn, illa klæddir, bíllinn gekk ekki, alternator reimin hafði yfirgefið vistina, voru strákar því í vanda staddir, og eiginlega skil ég ekki hví þeir fengu ekki far með þeim sem reyndu að losa þá áður. En allavega tók ég og þessi hópur annað ekki í mál en að bíllinn yrði skilinn eftir og mennirnir ferjaðir til byggða, enda óvíst hvort nokkur aki þennan veg fyrr en á morgun, þeir illa klæddir og á ógangfærum bíl. Íslendingar!

 

Kia Ríó

Leave a reply

Ég keypti á föstudag sl. 2017(06) kia rio bifreið, ekna 15.000 km af bílasölunni Bílabankinn á Höfðanum, mér hefur lengi líkað vel við þessa bíla, þeir eru ólíkir öðrum bílum af svipuðum gerðum þ.e. tiltölulega hljóðlátir, og hátt upp í sæti á þeim þannig þetta er ekki alger fólksbíll.

Þennan bíl fann ég svo loks, hálfsárs gamall og ókeyrður, áður í eigu Sixt bílaleigu, en vel með farinn, einungis tvær smávægilegar skemmdir á lakki sem sjást ekki nema með vel þjálfuðu auga bílaáhugamanns. En tiltölulega einfalt ætti að vera að lagfæra þessar skemmdir og yrði bíllinn þá jafngóður nýjum. Ég fékk hann keyptann fyrir 2.030.000 kr.

 

Nokkrar myndir

 

Rétt eftir að kaup voru staðfest

Ég fór strax og bónaði bílinn og þreif hátt og lágt, ótrúlegt hvað hreinir bílar geta reynst skítugir!

Ég hef aldrei átt bíl sem mér hefur þótt gaman að þvo, en þetta kemst ansi nærri því, maður sér allavega mun á að þrífa og bóna svona nýlegan bíl.

Eyðslumælir í mælaborði sýnir 3.8l /100 km

Vélin er 1.4 common rail diesel með túrbínu, og sex gíra beinskipting

Bakkmyndavél og skynjarar

Allskyns búnaður, bossahitarar, lúkuhitari, stop/go eldsneytissparnaðarstilling, smart útvarp með snertiskjá, bluetooth ofl. ríkulega búinn bíll.

Spil

Leave a reply

Ég fékk mér spil á Hiluxinn um daginn, nú fer hann að verða vel græjaður til fjallaferða, það eina sem mig langar að gera í viðbót er driflás að framan!

 

Dagsskreppur á Skjaldbreiður

Leave a reply

Í gær skruppum við félagar á þremur bílum á Skjaldbreiður, í raun til að reyna á nýsmíðaðan bíl Brynjars félaga okkar, suzuki vitara jeppa á 37″ dekkjum.

Hann hafði komið með okkur á bílnum í Landmannalaugar í byrjun janúar en lent í vandræðum með drifbúnað, og sannað þykir að lausn hafi fundist á því vandamáli því bíllinn stóð sig vel í ferðinni núna.

Skyndiákvörðun réði för, um kl 13.00 kom hugmynd að förinni, kl 14.30 hittumst við og lögðum af stað, við vissum af félögum okkar sem höfðu farið þetta fyrr um morguninn og mættum við þeim við Þingvelli.

Allt gekk einsog í sögu, töluvert var af bílum á ferðinni og enn fleiri vélsleðar, förin á Gjábakkavegi voru svo mörg, og svo óslétt að nánast var ógjörningur að halda nokkrum ferðahraða, en við vorum komin að Skjaldbreiðum um kl 1630 í ljósaskiptum, við þaustum upp og höfðum lítið fyrir, þrátt fyrir nokkurn snjó, bílar og menn stóðu sig vel og súkkan þaut eins og snjóþota ofaná snjónum meðan dísel orkuverin áttu í mestu makindum með að halda í við hana, þarna sá ég í fyrsta skipti kælivatnshitamælinn á mínum bíl rísa, enda kannski ekki skrítið, hamagangurinn var slíkur.

í 800 m.y.s. fór skyggni að versna mjög og snerum við þá við, meðan þeir félagar tóku myndir laumaðist ég upp í 900m.y.s. eftir GPS og sá ekki nokkurn skapaðan hlut, og átti oft erfitt með að átta mig á hvort bíllinn var á hreyfingu eða ekki, svo þá var snúið við.

Sammældumst við um að prófa að aka Eyfirðingaveg frá Skjaldbreiðum og þannig yfir á Uxahryggjaleið. Gekk sú ferð ágætlega þar til um 11km voru eftir, þá var bleyta í förum farin að gera verulega vart við sig og greinilegar tjarnir sem myndast höfðu undir snjólagi, töldum við óráðlegt að halda ferð þessari áfram eftir að ég hafði brotnað niður um vök og sá hvergi leið áfram öðrumvísi en að halda mjög til hryggja, sem er letjandi og ekki gáfulegt m.a. vegna þess að við vorum ekki vel útbúnir fyrir krapasull, og í nokkurri tímaþröng, eða ég og Sóley hið minnsta því hún þurfti að mæta í vinnu um kvöldið.

Snerum við því til baka inn á Gjábakkaveg og hossuðumst þar niður á Þingvelli.

 

Nokkrar myndir frá Sóley

Útbúning þennan fékk ég frá Ali Express fyrir lítið fé, og þar sem ég legg mikla áherslu á að vera ekki töff, þá fer þetta mér bara nokkuð vel

Meðfram hrauninu í átt að Skjaldbreið

Skyggni fer minnkandi

Ekki margt að sjá í 900m en LED kastararnir eru að gera gott mót

Uppstilling fyrir myndatökur

Menn voru viljugir heim, og bauð færið oft upp á slíkan ferðahraða, en frosnir hryggir mynduðu reglulega þessa stökkpalla og þá var eins gott að halda sér vel

Þarna fórum við yfir á nokkurri ferð en sáum tjörn fyrir framan og minnkuðum hraðann, við það súnnkaði Hilux minn niður í krapa en kraflaði sig áfram upp á steinþúfu, ákváðum við þá að snúa för okkar til baka

Stærðar stöðuvatn