Bíllinn var bremsulaus, og stöðuhemill var óvirkur, nú er hægt að taka skrjensbeygjur og læsa framhjólum í það minnsta með bremsunum!
Allt nýtt í bremsur, þessi útíherslujárn voru ódýr, mæli með! Original toyota
Þegar pallinn vantar þá þarf ballest aftaná bílinn þessi þungu dekk hentuðu vel í það og varð bíllinn nokkuð stöðugur á lyftunni
Það þarf aðeins að taka betur til hendinni, 4 link stífuvasar á hásingu eru ónýtir, demparafestingar í grind voru ónýtar er búinn að kippa því í lag…
Staðbundið ryð, það virðist bara ryðga þar sem soðið hefur verið…
Þetta gæti orðið til friðs… eitthvað
Ræfils legu svona pall laus greyið
Velkomin á heimasíðu mína, ég heiti Sævar Örn og er fæddur árið 1991. Ég er lærður Bifvélavirkjameistari og starfa sem Stöðvarstjóri á bifreiðaskoðunarstöð Frumherja HF.
Á þessari síðu langar mig að safna saman fróðleik um bíla, aðallega jeppatengdu, bæði það sem ég sjálfur hef, og er að framkvæma, og einnig það sem ég sé aðra framkvæma.
Hingað til hef ég haldið úti spjallþráðum víða á netinu og treyst á að myndir mínar og texti geymist þar um ókomna tíð, þó hefur eitthvað borið á að myndir hverfi og texti afbakist þegar síðunum er breytt eða þær færðar og eftirvinnan við að laga textann og myndirnar er einfaldlega of mikil fyrir mig, því hef ég ákveðið að opna þessa síðu sem ég stjórna alfarið sjálfur.
Hef aðeins verið að grilla í pallinn, gera hann góðan, lýst ágætlega á þetta bara!
Heilsauð bót í sárið, þarna var hérumbil allt farið af ryði vegna hreyfingar í upphækkunarklossum
Öflugur 2.5mm þverbiti, þetta ætti að verða til friðs!
Sleit svo afturstuðarann af, hann er að ég held ónýtur! Betra að finna annan, þarf líka að laga aðeins í grindinni þarna aftast!
Reif pallinn af, veit að þar er eitthvað af ryði, ætti þó að ganga nokkuð vel að laga það, allavega er starfs aðstaðan til fyrirmyndar, lagði pallinn á hvolf ofan á kar þannig það er í sæmilegri vinnuhæð.
Sóley unnusta mín mátaði Subaru sætin og sagðist líka þau vel!
Fékk ný(eldgömul) sæti úr ógeðslegum Subaru hjá félaga mínum, í skiptum fyrir eitthvað gamalt drasl sem ég átti
Sama meðferð, olíuhreinsir, háþrýstidæla og svo ilmbætt sápa, sætin urðu sem ný! Geri þó ráð fyrir að setja sætishlífar yfir þau fyrir vetrarferðir í það minnsta.
Sætin þrífast vel með þessari aðferð
Eins og ný
Ég þrjóskaðist mikið kringum driflæsingarmótorinn, hef nú úrskurðað hann látinn! Mun kaupa loft tjakk fyrir læsinguna!
Tók innréttinguna úr þegar ég ryðbætti gólfið og sætisbitann, fann ýmislegt gamalt þar undir sætum og bakvið innréttingarhluti, margt antík drasl og já aðallega drasl og rusl. Hálf fullur svartur poki!
Tók teppið og bleytti í olíuhreinsi og fór með háþrýstidælu yfir, náði því ansi góðu, fór svo aðra umferð með ilmbættri sápu og fjarlægði þá svampinn neðanúr teppinu, keypti málaramottur í Múrbúðinni ódýrt og ætla að prófa að láta hana sinna hlutverki svampsins
Ég skoðaði bílinn sæmilega, sá að ekki var víða ryð, þá einna helst í sílsum, fram brettum og undir bílstjórasæti, best að tækla það fyrst!
Skar hluta af sætisbitanum burtu, og þaðan neðan undan úr gólfplötunni, sneið bót í gatið og setti nýjan sætisbita, allt vel suðukíttað grunnað og málað ætti að vera til friðs!
Um daginn fjárfesti ég í Toyota Hilux jeppa, 38″ breyttum hjá Krók bílauppboði
Ljóst þykir að bíllinn þarf mikla ást, ég var búinn að safna mér fyrir bíl sem væri tiltölulega tilbúinn, var reiðubúinn að fjárfesta í bíl milli einnar og tveggja milljóna króna. Því koma þessi kaup svolítið á óvart þó ég segi sjálfur frá, en lausafjársstaðan leyfir mikla endursmíði og er meiningin að gera þennan bíl góðan fyrir vetur 2017!