Farþegahlið, ekki tekur betra við…
Leave a reply
Category Archives: Monte Carlo
Gólf v/m komið
Þá er þessi hlið bílsins bysna langt komin, farþegahliðin sýnist mér ekki vera jafn hræðilega ryðguð, en þar þarf amk að skipta um sílsa og boddyfestingar og ég er með gólf þar líka ef í ljós kemur að þess gerist þörf.
Síls v/m að verða klár!
Loks smá framfarir, var búinn að mikla þetta fyrir mér..!
Þetta passar allt mjög vel og er býsna sterkt, nú verður spennandi að sjá hvort hurðin passi í gatið… 😮
Kom smá í verk í dag
Ryðprósentan hríðfellur !
Það er ótrúlega gott að fá svona gæðastykki sem passar nokkuð vel, bara gata, punkta berja og sjóða, grunna mála pensla málið dautt
Afturgaflinn að verða sæmilegur !
Smá samsetning, loksins
Loks kom að því að hægt var að setja saman, en ekki bara rífa í sundur
Grindarendar frá Conrad Lozier komnir í
Flott viðgerðarstykki, hægt að fá eins mikið og maður vill frá þeim
Þegar svona ber við þá rifjast upp gamlir suðutaktar, en maður er alltaf svolítið ryðgaður til að byrja með…!
Nákvæmnisverkfæri nýtt til að stilla hæð og gráðu viðgerðarstykkjanna
Nýjar bodyfestingar vm aftast
Vinstri afturhelmingur orðinn ágætur, next up síls vm, hlakkar ekkert sérstaklega til..!
Flestir hlutir komnir í bili
Ég sendi Sóley til Svartfjallalands(hún fór með foreldrum sínum í útskriftarferð) svo nú hef ég tvær vikur til að þræla í Chevy! Smá update fékk flesta hluti sem mig vantar, innri sílsar eru á leiðinni, byrja að skera á morgun..!
Það sem ég man eftir í augnablikinu, G Body gírkassabiti heavy duty, flækjur frá summit, summit startari hi torq, úrklippur úr klessubíl frá lasvegas, hlutir sem ég gat ekki fengið nýja… sílsa endar og hurðapóstar, komplett gólf og viðgerðarstykki og þverbitar
Nýjir hlutir, meira ryð
Kippti mælaborðinu úr, byrjaði að losa sætisfestingar úr gólfinu sem meiningin er að sandblása og taka ákvörðun hvort keyptar verða nýjar eða þessar nýttar
Þverbitinn er furðugóður sem og sætisfestingarnar, en gólfið alveg búið
Komnir sílsar og grindarendar, bodyfestingar og fleira góðgæti frá USA
Ódýrar G Body flækjur
Gólfið fékk ég í heilu lagi, vísu sagað í helming til að spara við flutning
Allt draslið á gólfinu, orðið slatti af drasli að verðmæti rétt rúm 100þ kr sem er ekki mikið að mínu mati
Það sannast að í ameríku fæst mikið fyrir lítið, enda eru menn þar á bæ ekki að gera svona lagað við jafn ‘ómerkilega bíla’.
veltibúkki
Eftir að hafa kynnt mér kostnað á að kaupa ammerískan veltibúkka sem upp á von og óvon myndi passa, ákvað ég að fljótlegast og ódýrast væri að smíða hann sjálfur
Keypti járn fyrir 36000 kall og hrinti þessu saman á einum frídegi og notaði til þess lítið af mælitækjum, aðallega augun og ágiskunina, þetta tókst allt með ágætum og nú er hægt að velta bílnum örugglega og léttilega
Það var ekki í margt að festa, en þarfna er ágæt festa þar sem hurðarlamirnar skrúfast fastar, hurðar bílsins eru rúmur metri á lengd og um 40 kg hvor, þannig þessar festingar eru virkilega öflugar, og í raun óvenju öflugar
Kominn gálgi framfyrir og pívot sem ég giskaði á að myndi hitta á þungamiðju bílsins
Komin ein löpp
Allt klárt nema hjólin undir, þau eru á leiðinni frá USA og bera 900lbs hvert um sig, nota sex hjól undir þetta sem er algert overkill en ætti að verða stöðugt
Unnið áfram í Montecarlo
Þegar yfirbyggingin er laus frá grindinni er hægt að skoða betur út í hvað ég var að vaða, ég verð að viðurkenna að botninn var verr farinn en ég gerði mér grein fyrir í fyrstu, en þetta verður verðugt verkefni ef það hefst!
Bodyfesting h/m framan þurfti ég ekki að losa, hún losnaði sjálf..
V/m er sú festing öllu skárri, en ekki góð þó
þarna er vinstri afturendi af síls og bodyfesting, innar á gólfinu eru sætis og sætisbeltisfestingar sem líta vel út
síls hm
öftustu tvær bodyfestingar vm ónýtar alveg
sama hér, hm öftustu bodyfestingar ónýtar
grindarendarnir bm ónýtir af ryði
skuggaleg viðgerð á gólfi, sjáið hvað trebbinn heldur sætisbeltisfestingunni vel… !
þetta er versta ryðið í bílnum, hægra framhorn, síls, bodyfesting og hluti úr gólfi og hvalbak
Vinna að hefjast í Monte Carlo
Bifreið þessi, sem er árgerð 1987 endaði í mínum höndum nærri því fyrir slysni. Hröð hugsun og skortur á ákvarðanatökufælni ollu því að ég ók bifreið þessari heim frá Reykjanesbæ og á Hraunið í gærkvöldi. Tókst ökuferð sú með miklum ágætum, en varð mér strax ljóst, jafnvel áður en að kaupin áttu sér stað, að mikil vinna væri framundan svo hægt væri að njóta þessa bíls.
Undir vélarhlífina er búið að setja 5.7 lítra vél líklega úr eldri pallbíl ef marka má eldgreinarnar og skv. seríalnúmeri er árgerðin 1977 350 cid.
Engum tíma eytt, fyrsta vinnukvöldið þá fór framendinn af
Þetta er furðu einfalt verk